“Zed”, máis circo por favor!!

O

Circo do Sol regresou o pasado 17 de abril cun novo show para todos os seus seguidores e facer máis levadeiro o confinamento pola crise sanitaria do coronavirus. Trátase dun programa dunha hora de duración que inclúe algúns dos números máis especiais de ‘ Zed’, un espectáculo creado en exclusiva para Xapón e inspirado no Tarot e os seus Arcanos.

Un gran despregamento de luces, cores e sons dá vida a esta singular obra, que o Circo do Sol define como unha viaxe por dous universos opostos, o ceo e a terra, que viven en harmonía. É un mundo imaxinario polo que viaxa Zed, un personaxe que vive aventuras fantásticas, acompañado por música en directo do Mediterráneo, o Cáucaso e Irlanda.

Entre os seus números, o espectáculo arrinca cunha caída en picado dunha gran saba de seda e inclúe saltos sobre trampolín, escalada de postes, malabarismos con discos, acróbatas, pinchacarneiros…

.